Caimo, Kólumbía

Caimo – safaríkt, sætt og fullt af karakter

Caimo er fyrir þau sem fíla kaffið sitt aðeins í ávaxtaríkari kantinum.

Nafnið kemur frá suðrænum Amazon-ávexti sem er þekktur fyrir mjúka, kremkennda og næstum búðingslega áferð. Það gefur tóninn ágætlega – þetta er kaffi með djúsí karakter og nóg af ávexti.

Kaffiberin eru handtínd af hópi bænda í Pitalito í Huila í Kólumbíu, þar sem kaffið vex í 1.600–2.000 metra hæð. Þar eru ræktuð fjölbreytt kaffiafbrigði á borð við Colombia, Tabi, Castillo, Caturra og Cenicafé.

Í bollanum færðu safaríkt og líflegt kaffi með fallegri sætu og ávaxtaríkum tónum. Kaffi sem er svolítið öðruvísi – á mjög góðan hátt.